ભારત બન્યું આત્મનિર્ભર પાંચમી પેઢીના લડાયક વિમાનો દેશમાં જ બનશે સંરક્ષણ પ્રધાન રાજનાથ સિંહે ભારતના આ મેગા પ્રોજેક્ટને આપી મંજૂરી

દિલ્હી

સંરક્ષણ પ્રધાન રાજનાથ સિંહે ભારતીય વાયુસેના માટે પાંચમી પેઢીના એડવાન્સ્ડ મીડિયમ કોમ્બેટ એરક્રાફ્ટ (AMCA) ને સ્વદેશી રીતે વિકસાવવાના મેગા પ્રોજેક્ટને મંજૂરી આપી છે. ભારતની હવાઈ દળની ક્ષમતાઓને વધારવાની દિશામાં આ એક મહત્વપૂર્ણ પગલું છે. આ પ્રોજેક્ટ હેઠળ, ડીપ પેનેટ્રેશન ફાઈટર જેટ ફાઇટર જેટ વિકસાવવામાં આવશે જે ભારતની સંરક્ષણ પ્રણાલીને મજબૂત બનાવશે.

ભારત અને પાકિસ્તાન વચ્ચેની તંગદિલી બાદ, કેન્દ્ર સરકારે દેશના સંરક્ષણ કાફલાને વધુ મજબૂત બનાવવાનો નિર્ણય લીધો છે. આ માટે, સરકાર સંરક્ષણ બજેટમાં વધારાની જોગવાઈ પણ ઊભી કરશે. દરમિયાન, ભારત તેની શસ્ત્ર પ્રણાલીને પણ મજબૂત બનાવી રહ્યું છે, જેના માટે રાજનાથ સિંહે આજે એક મોટો નિર્ણય લીધો.

સંરક્ષણ પ્રધાને ભારતીય વાયુસેના માટે પાંચમી પેઢીના સ્વદેશી ડીપ પેનેટ્રેશન એડવાન્સ્ડ મીડિયમ કોમ્બેટ ફાઇટર એરક્રાફ્ટ વિકસાવવા માટેના મેગા પ્રોજેક્ટને મંજૂરી આપી છે. આના અમલીકરણ માટે એડવાન્સ્ડ મીડિયમ કોમ્બેટ એરક્રાફ્ટ (AMCA) પ્રોગ્રામ એક્ઝિક્યુશન મોડેલને મંજૂર કરવામાં આવ્યું છે.

AMCA એ ભારતનું સ્વદેશી પાંચમી પેઢીનું સ્ટીલ્થ ફાઇટર જેટ છે. ભલે તે સ્વદેશી હોય, પણ અનેક અદ્યતન ટેકનોલોજીથી સજ્જ છે. તેમાં રડારથી બચવાની ક્ષમતા, ઉત્તમ શસ્ત્ર પ્રણાલીઓ અને સેન્સર છે.